Թուրքիայի իշխանությունների վերջին հայտարարությունները հուսադրող չեն, հայտարարել է Հունաստանի նախագահ Կարոլոս Պապուլիասը Երեւանում սեպտեմբերի 30-ին ՀՀ նախագահ Սերժ Սարգսյանի հետ կայացած բանակցություններից հետո:
Ըստ նրա՝ Կիպրոսի հարցով Թուրքիայի հետ բանակցությունները ճգնաժամային իրավիճակում են: Թուրքիայի վերջին հայտարարությունները հուսադրող չեն: Մենք անում ենք ամեն ինչ թուրքական ագրեսիային վերջ դնելու համար, նշել է Հունաստանի նախագահը: Նա նաեւ անդրադարձել է Սիրիայի, Իրաքի եւ ընդհանրապես Մերձավոր Արեւելքի քրիստոնյա բնակչության վիճակին:
«Քրիստոնյա բնակչության դրությունը լուրջ մտահոգություն է պատճառում: Այն բռնության թիրախ է դարձել», - հայտարարել է Պապուլիասը:
