Ռուսաստանն ու Ղազախստանը հումքի վերամշակման ոլորտում նորարարական տեխնոլոգիաներ կզարգացնեն, հաղորդում է «ՌԻԱ Նովոստին»՝ մեջբերելով Ռուսաստանի նախագահ Վլադիմիր Պուտինի խոսքերը, ով ելույթ է ունեցել երկու երկրների միջտարածաշրջանային համագործակցության համաժողովի նիստին:
«Առաջավոր տեխնոլոգիաների ներդրումը հնարավորություն է տալիս ամրապնդել անցած տարիներին ձեւավորված արդյունավետ արտադրական շղթաները, որոնցում կներգրավվեն երկու երկրների տասնյակ ձեռնարկություններ՝ էներգետիկ, մեքենաշինական, ինժինիրինգային: Մշակումների ոլորտում նորարարությունները մեր շրջաններին թույլ կտան նոր աշխատատեղեր ստեղծել, նպաստել որակավորված կադրերի պատրաստմանը գիտական հետազոտությունների նկատմամբ պահանջարկ գեներացնել, ինչը չափազանց կարեւոր է ժամանակակից աշխարհում,», - հայտարարել է Պուտինը:
Անդրադառնալով Եվրասիական տնտեսական միության հարցին՝ Պուտինը նշել է, որ ԵՏՄ-ի աշխատանքը առավել բարենպաստ պայմաններ կստեղծի վառելիքաէներգետիկ համալրիր ոլորտում համատեղ աշխատանքի համար, ինչպես նաեւ թույլ կտա կրճատել կապիտալի, ապրանքների, ծառայությունների ու աշխատուժի տեղաշարժման խոչընտոդները եւ կնպաստի կոոպերացիոն նախագծերի թվաքանակի ընդլայնմանը:
