Ռուսաստանը Ուկրաինայի հետ սահմանին Գլխավոր հետախուզական վարչության հատուկ նշանակության նոր հետախուզական-դիվերսիոն խմբեր ու միավորումներ կենտրոնացնում: Այդ մասին հայտնում է ուկրաինական UNIAN գործակալությունը՝ վկայակոչելով Ազգային անվտանգության եւ պաշտպանության խորհրդի տեղեկատվական-վերլուծական կենտրոնի ներկայացուցիչ Անդրեյ Լիսենկոյին:
Աղբյուրի համաձայն, Ռոստովի մարզում արդեն նոր ռուսական ստորաբաժանումներ են հայտնվել: «Խոսքը Հյուսիսային Օսիայից 100-րդ առանձին հետախուզական բրիգադի, ՌԴ Զինված ուժերի գլխավոր շտաբի գլխավոր հետախուզական վարչության հատուկ նշանակության 2-րդ առանձին բրիգադի եւ հատուկ նշանակության 22-րդ բրիգադի մասին է», - հստակեցրել է Լիսենկոն: