Ադրբեջանի նախագահն անգամ Հայաստանի նախագահից արտագրել չգիտի: Այս մասին, այսօր՝ սեպտեմբերի 30-ին, ԱԺ-ում հայտարարությունների ժամին իր ելույթում ասել է ՀՀԿ-ական պատգամավոր Կարեն Ավագյանը:
Նա նշել է, որ վերջին ժամանակներս Ադրբեջանի նախագահ Իլհամ Ալիեւը իր ելույթները սկսել է կառուցել ոչ այլ կերպ, քան «մեկը մեկին» պատճենելով Սերժ Սարգսյանի ելույթները:
«Այն, ինչ նա անում է, ընդամենը վերափոխում է անուններն ու աշխարհագրական անվանումները: Հայաստանը փոխում է Ադրբեջանով եւ այլն: Ավելորդ է ասել, թե ինչ անհեթեթ վիճակում է նա հայտնվում, երբ սկսում է խոսել Հայաստանում Ադրբեջանի նկատմամբ ատելության քաղաքականության եւ մեզ մոտ քաղաքական բռնապետության մասին: Այլ խոսքով՝ ելույթները արտագրում են եւ ոչ ոք չի խորանում, թե ինչպես են դրանք կնչում այլոց շուրթերից»,-նշել է Ավագյանը:
Պատգամավորի խոսքով՝ նման ձեռագիրը վկայում է Ալիեւի քաղաքական բացարձակ անկարողության մասին: