Հիվանդանոցից, սեպտեմբերի 30-ին, ժամը 14.50-ին, ոստիկանության Գորիսի բաժին հաղորդում է ստացվել, որ փակ գանգուղեղային վնասվածք, գլխուղեղի ցնցում, ձախ սրունքթաթային հոդի էպիֆիզոլիա ախտորոշմամբ իրենց մոտ բուժօգնության է դիմել 7-ամյա Անդրեյ Ա.-ն եւ հայտնել, որ վնասվածքը ստացել է վրաերթի հետեւանքով:
Ոստիկանության մամուլի ծառայությունից հայտնում են, որ պարզվել է, որ նույն օրը, ժամը 13.00-ի սահմաններում, Գորիս քաղաքի Սյունիքի փողոցում նրան վրաերթի է ենթարկել անհայտ ավտոմեքենայի վարորդը:
Ձեռնարկված միջոցառումների շնորհիվ պարզվել է, որ Անդրեյ Ա.-ին վրաերթի է ենթարկել «Սայփա» մակնիշի ավտոմեքենայի վարորդ, 25-ամյա Սաջադ Փ.-ն, որը նույն օրը, ժամը 18.00-ի սահմաններում, Կապան քաղաքում հայտնաբերվել եւ տեղափոխվել է ոստիկանության Գորիսի բաժին ու ներկայացվել քննչական բաժանմունք:
Նշանակվել է դատաբժշկական փորձաքննություն:
Քննչական բաժանմունքում նախապատրաստվում են նյութեր:
