ֆրանկաֆոնիայի խորհրդարանական վեհաժողովի Եվրոպական տարածաշրջանային հերթական խորհրդակցությունը կկայանա 2015թ. ապրիլին Երեւանում, հոկտեմբերի 2-ին խորհրդարանական ճեպազրույցում հայտարարել է ֆրանկաֆոնիայի խորհրդարանական պատվիրակության ղեկավար Մարգարիտ Եսայանը, որը սեպտեմբերի 28-ից մինչեւ հոկտեմբերի 1-ը Վարշավայում էր` ՖԽՎ-ի Եվրոպական տարածաշրջանային խմասնակցելու համար:
Ըստ Եսայանի` Երեւանում կայանալիք խորհրդակցությանը կմասնակցեն ֆրանկոֆոնիայի խորհրդարանական 40 պատվիրակություններ: «Որքան շատ բարեկամ քաղաքական գործիչներ Հայոց ցեղասպանության 100-ամյա տարելիցի նախաշեմին այցելեն Հայաստան, այնքան ավելի մեծ հնարավորություն կունենանք աշխարհին ներկայացնել Ցեղասպանության պատմությունը, ինչպես նաեւ ծանոթացնել ղարաբաղյան հարցի էության եւ կարգավորման գործընթացի հետ»:
