Միջազգային մշակութային համագործակության հարցերով Ռուսաստանի նախագահի հատուկ ներկայացուցիչ, Ռուսաստանի ԱԳՆ-ի հատուկ հանձնարարությունների դեսպան Միխայիլ Շվիդկոյը հայտարարել է Հայաստանի եւ Ադրբեջանի միջեւ «ժողովրդական դիվանագիտության» անհրաժեշտության մասին, հայտնում է Vesti.Az-ը:
Նրա խոսքով՝ այժմ Լեռնային Ղարաբաղի հարցի շուրջ բանակցային գործընթացը այնպիսի փուլ է թեւակոխել, երբ անհրաժեշտ է որոշ քաղաքական որոշումներ ընդունել: «Իսկ հետո մենք դրանք կամրապնդենք «ժողովրդական դիվանագիտության» ոլորտի մեր շփումներով»: Ես կարծում եմ, որ «ժողովրդական դիվանագիտությունն», այնուամենայնիվ, անհրաժեշտ է: Մարդիկ պետք է հասկանան՝ ինչու են ընդունվել այս կամ այն քաղաքական որոշումները», - ասել է Միխայիլ Շվիդկոյը:
Հիշեցնենք, որ 2007թ. հունիսից Ռուսաստանում Հայաստանի եւ Ադրբեջանի դեսպաններ Արմեն Սմբատյանի, Փոլադ Բլբուլօղլու, ինչպես նաեւ Ռուսաստանի ԱԳՆ-ի հատուկ հանձնարարությամբ դեսպան Միխայիլ Շվիդկոյի նախաձեռնությամբ Երեւանում, Բաքվում եւ Ստեփանակերտում հայ եւ ադրբեջանցի հասարակական ու մշակութային գործիչների, պատգամավորների, լրատվաիջոցների ներկայացուցիչների հանդիպումներ են կազմակերպվում: