«Օրինաց երկիր» կուսակցությունը հրավեր չի ստացել մասնակցելու ոչ իշխանական եռյակի Երեւանում հոկտեմբերի 10-ին կայանալիք հանրահավաքին: Այս մասին, այսօր՝ հոկտեմբերի 3-ին, ԱԺ-ում ճեպազրույցների ժամանակ նշել է ՕԵԿ խմբակցության պատգամավոր Հովհաննես Մարգարյանը:
Նրա խոսքով՝ անձամբ ինքը, հնարավոր է, գնա հանրահավաքի, եթե լինի Հայաստանում: «Մեր կուսակցության անդամները ազատ են իրենց ընտրության հարցում եւ կարող են մասնակցել այդ հանրահավաքին: չեմ բացառում, որ ՕԵԿ-ից շատերը կմասնակցեն այդ ակցիային»-ասել է Մարգարյանը:
Հարցին, թե ինչպես են վերաբերվում Սերժ Սարգսյանի հրաժարականի պահանջին, ՕԵԿ-ական պատգամավորը պատասխանել է, որ իրենց կուսակցության օրակարգում նման հարց չկա:
