ԼՂՀ կառավարության զբոսաշրջության եւ պատմական միջավայրի պահպանության վարչության պետը հերքել է Ադրբեջանի ԱԳՆ մամլո խոսնակի տարածած տեղեկատվությունը այն մասին, որ Ղարաբաղի մասնակությունը Իտալիայի Ռիմինի քաղաքում ընթացող միջազգային զբոսաշրջային ցուցահանդեսում կասեցվել է:
«Ցուցահանդեսում Ղարաբաղի մասնակցությունը ընթանում է առանց միջադեպերի, Մենք ունենք առանձին տաղավար, որը առաջացնում է մեծ հետաքրքրություն զբոսաշրջային ոլորտի մասնագետների եւ ցուցահանդեսի այցելուների մոտ: Ընդհանրապես, մենք չենք հասկանում, ինչի մասին է խոսում Ադրբեջանի ԱԳՆ խոսնակը: Դա սովորական սադրանք է եւ ապատեղեկատվություն»,- ասել է Սերգեյ Շահվերդյանը:
