ԱՊՀ երկրների սահմանապահները սահմանների իրավիճակի մասին տեղեկությունների փոխանակման էլեկտրոնային համակարգ են գործարկել: Այդ մասին հայտնում է «ԻՏԱՌ-ՏԱՍՍ»-ը՝ մեջբերելով Ռուսաստանի Անվտանգության դաշնային ծառայության սահմանապահ ծառայության ղեկավարի տեղակալ, գեներալ-գնդապետ Ալեքսանդր Մանիլովին:
Արտաքին սահմանների իրավիճակի մասին տեղեկատվության օպերատիվ փոխանակման միասնական տեղեկատվական համակարգի ստեղծման մասին որոշումն ըդնունվել է ԱՊՀ երկրների նախագահների խորհրդի կողմից:
«Այսօր այդ համակարգն արդեն գործում է, այն գործարկվել է Համագործակցության 7 պետությունների սահմանապահ գերատեսչությունների կողմից», - հայտարարել է Մանիլովը: Համակարգն արդեն ակտիվորեն աշխատում է Ռուսաստանում, Բելառուսում, Ղազասխատանում, Ղրղզստանում, Հայաստանում, Տաջիկստանում եւ արդեն դիտարկվում է Ուզբեկստանում ներդրման հնարավորությունը:
«Այն թույլ է տալիս իրական ժամանակում արտաքին սահմանների իրավիճակի վերաբերյալ տեղեկություններով փոխանակվել: Բացի այդ, շնորհիվ վերջինիս, ուրվագծվում է նաեւ ԱՊՀ-ի բոլոր սահմանապահ գերատեսչությունների գործունեությունը», - պատմել է Մանիլովը:
ԱՊՀ երկրների սահմանապահ գերատեսչությունների կողմից ուղարկված նյութերը ստացվում են փակ ռեժիմում եւ թույլ են տալիս ամենատարբեր ուղղություններով վերլուծություններ իրականացնել, այդ թվում՝ թմրավաճառության դեմ պայքար, միգրացիոն գործընթաներ, պետական սահմանի պահպանության կազմակերպում:
