Հայաստանը ցանկանում է պահպանել ԵՄ-ի հետ առեւտրային հարաբերությունները: Հոկտեմբերի 15-ին այս մասին լրագրողներին հայտնել է ՀՀ էկոնոմիկայի նախարար Կարեն Ճշմարիտյանը: Նա նշել է, որ ԵՏՄ-ին Հայաստանի անդամակցությունը 2015 թ. հունվարի 1-ից ոչ մի կերպ չի խանգարում ԵՄ-ի հետ հարաբերությունների զարգացմանը: «Նոյեմբերի սկզբին մենք կշարունակենք բանակցությունները մեր եվրոպական գործընկերների հետ՝ համագործակցության ռազմավարության վերաբերյալ, ըստ որի էլ կզարգացնենք հարաբերությունները», - հավելել է Ճշմարիտյանը:
Պաշտոնյան վստահեցրել է, որ կապերը ոչ ոք չի պատրաստվում սահմանափակել. Հակառակը, դրանք պետք է ավելի բարձր մակարդակի վրա դրվեն: «Մենք մեծ կարեւորություն ենք տալիս GSP+ ռեժիմի արտոնությունները պահպանելուն , որը մեր արտադրողներին թույլ է տալիս զրոյական եւ ցածր մաքսադրույքներով ԵՄ արտահանել ավելի քան 6 հազար անուն ապրանք», – նշել է Ճշմարիտյանը:
