Անկախ քաղաքական իրավիճակից՝ Հայաստանի Սահամանադրությունը բարեփոխումների կարիք ունի: Այդ մասին այսօր՝ հոկտեմբերի 16-ին լրագրողներին հայտարարեց արդարադատության նախարար Հովհաննես Մանուկյանը: Նա հիշեցրեց, որ բազմաթիվ անգամներ արտահայտվել է այդ առիթով:
«Այդ բարեփոխումները կլինին այսօր, թե վաղը, վաղ, թե ուշ՝ առանձին քննարկման առարկա է: Եթե դուք ինձ հարցնում եք որպես իրավաբան, ես կարող եմ ասել, որ մեր Սահմանադրությունում առկա են մի շարք խնդիրներ՝ ոչ միայն պետական կառավարման համակարգում, այլեւ մարդու իրավունքների պաշտպանության ոլորտում: Բարեփոխումներն անհրաժեշտ են, իսկ ժամկետների վերաբերյալ կանխատեսումներ անելը անշնորհակալ գործ է», - նշեց Մանուկյանը:
