Apple-ը ներկայացրել է iPad Air պլանշետի նոր տարբերակը՝ 9.7 դյույմանոց էկրանով, իսկ պատյանի հաստությունն ընդամենը 6.1 մմ է: Սարքավորումը գովազդել է Apple-ի գլխավոր տնօրեն Թիմ Քուքը:

iPad Air 2-ն իր նախորդից ավելի է բարակ է: Apple-ը հայտարարում է, որ ներկայում այն ամենաբարակ պլանշետն է շուկայում:

Նոր պլանշետն ավելի հզոր 64 բիթ հզորությամբ A8X պրոցեսոր ունի՝ ավելի վաղ iPhone 6-ում եւ iPhone 6 Plus-ում հայտնված մոդիֆիկացիան, եւ M8 համապրոցեսոր:

Սպասվում է, որ iPad Air-ն ունենալու է մատնահետքերի Touch ID սքաներ, ինչպես նաեւ «Home» կոճակ. iPhone-ի վրա այն առաջին անգամ հայտնվել է անցյալ տարի: Դրա շնորհիվ հնարավոր է օգտագործել Apple Pay վճարային համակարգը, սակայն միայն հավելվածներում, այլ ոչ թե ֆիզիկական տերմինալներում:

Վերջապես, նոր iPad Air 2-ն առաջին անգամ թողարկվելու է ոսկեգույն պատյանով: Հատկանշական է, որ տեսականուց անհետացել է 32 գեգաբայթով մոդելը: Հիմա հնարավոր է գնել 16, 64 եւ 128 գեգաբայթով մոդիֆիկացիաները:

Wi-Fi մոդուլով մոդելի արժեքը 499-ից 699 դոլար է, իսկ LTE մոդուլով մոդելինը՝ 629-ից 829 դոլար: