ՀՀ կառավարության աշխատակազմի ղեկավար Դավիթ Հարությունյանը տեղյակ չէ, թե ինչով է պայմանավորված փոխվարչապետ Արմեն Գեւորգյանի հրաժարականը եւ մսնավոր որ ոլորտում է նա գործունեությունը ծավալելու: Այս մասին նա նշել է ԱԺ-ում լրագրողների հետ զրույցում:
«Ես կոռեկտ չեմ համարում խոսել Արմեն Գեւորգյանի հրաժարականի դրդապատճառների մասին, քանի որ դրա վերաբերյալ լավագույնս պարզաբանում կարող է ներկայացնել հենց ինքը` Արմեն Գեւորգյանը»,-ասել է նա:
Լրագրողների դիտարկմանը, թե Արմեն Գեւորգյանը համարվում է քոչարյանական կադր, Դավիթ Հարությունյանն արձագանքելն է. «Ի՞նչ է նշանակում քոչարյանական կադր: Պարոն Քոչարյանն այս պահին քաղաքական դաշտում առկա չէ, եւ դրա համար ասել քաղաքականությունը կրող տերմինաբանություն կարծես թե ճիշտ չէ, իսկ այն, որ Արմեն Գեւորգյանը եւ Սերժ Սարգսյանը եւ Հովիկ Աբրահամյանը եւ ես բոլորս աշխատել ենք, երբ որ նախագահը Ռոբերտ Քոչարյանն էր, եւ այո, աշխատել ենք մեկ թիմով»:
