Ճապոնիայի հարավում 5,1 մագնիտուդով երկրաշարժ է տեղի ունեցել։ Զոհերի եւ ավերածությունների մասին տեղեկություն չկա։ Ըստ  ազգային օդերեւութաբանական վարչության տվյալների՝ ցունամիի սպառնալիք չկա, փոխանցում է ԻՏԱՌ-ՏԱՍՍ-ը։

Երկրաշարժի էպիկենտրոնը գտնվել է Արեւելաչինական ծովում՝ Կագոսիմա պրեֆեկտուրայի հարեւանությամբ, իսկ օջախն ընկած է եղել ծովի հատակին՝ 20 կմ խորությունում։ Ստորգետնյա ցնցումներն զգացել են Ամամի կղզիների բնակիչները։