Անհայտ անձինք փչացրել են Փարիզի կենտրոնում տեղադրված ամերիկացի նկարիչ Փոլ Մըքքարթիի սկանդալային ինստալացիան, հայտնում է Europe1 ռադիոկայանը:
Պրովակացիոն պերֆորմանսներով ու ինստալացիաներով հայտնի արվեստի գործիչը Փարիզի Վենդոմի հրապարակում «Ծառ» (Tree) անունով 24 մետր բարձրությամբ ռետինե արձան է տեղադրել: Իր ձեւով ու կանաչ գույնով այն իսկապես հիշեցնում է եղեւնի, սակայն ֆրանսիացի լրագրողները եւ քաղաքի բնակիչները այդ «ծառը» նմանեցնում են սեքս-խաղալիքի:
«Անհայտ անձինք, օգտվելով պահակների կարճ բացակայութունից, պատռել են մալուխները, որոնց վրա հենվել է այդ «եղեւնին» եւ այն փլվել է», հաղորդում է ռադիոկայանը:
Այս ինստալացիան Վենդոմի հրապարակում է հայտնվել ժամանակակից արվեստի իջազգային տոնավաճառի «Պատերի հետեւում» ծրագրի շրջանակներում, որը տեղ կունենա Փարիզում՝ հոկտեմբերի 23-26-ին:
