Հարավային Կորեայում ողբերգական համերգի կազմակերպիչներից մեկը, ով պատասխանատու էր համերգի ընթացքում անվտանգության ապահովման համար, ինքնասպան է եղել: Այդ մասին հաղորդում է «Lenta.ru»-ն:
Մահից առաջ, ինչպես հաղորդում է աղբյուրը, տղամարդը կնոջը գրառում է թողել. «Ես ցավում եմ զոհերի համար: Խնդրում եմ, հոգ տար երեխաներիս մասին»:
Հիշեցնենք, որ Սոնամում հոկտեմբերի 17-ին համերգի ժամանակ նվազագույնը 16 մարդ զոհվել էր, եւս 10-ը ծանր վնասվածքներ էին ստացել:
Ինքնասպանությունը, ինչպես նշում է աղբուրը, Հարավային Կորեայում 40-ից փոքր տարիքի մարդկանց մահվան հիմնական պատճառն է: Երկիրը զբաղեցնում է 1-ին տեղը Տնտեսական համագործակցության եւ զարգացման կազմակերպության 30 անդամների թվում ինքնասպանությունների թվով, 21-րդ դարի առաջին տասնամյակում դրանց թիվն ավելացել է:
