Կորեայի Հանրապետության եւ ԿԺԴՀ-ի սահմանին փոխհրաձգություն է տեղի ունեցել: Այս մասին հաղորդում է «Վզգլյադ»-ը՝ վկայակոչելով Հարավային Կորեայի զինված ուժերի շտաբների պետերի կոմիտեի տվյալները:
Աղբյուրի համաձայն՝ հերթական սահմանային միջադեպը տեղի է ունեցել այն բանից հետո, երբ հարավկորեական անցակետից մի քանի նախազգուշական կրակոցներ են արձակվել, երբ հյուսիսկորեական զինվորները սկսել են մոտենալ ռազմասահմանազատող գծին:
Իր հերթին, հյուսիսկորեացիները պատասխան կրակ են բացել: Հարավային Կորեայի անցակետի մոտ կրակոցների հետքեր են հայտնաբերվել: Ի պատասխան հարավկորեացի զինծառայողները եւս մի քանի կրակոց են արձակել: Որեւէ կողմից կորուստներ չկան:
Հիշեցնենք, որ հոկտեմբերի 7-ին Դեղին ծովում ԿԺԴՀ-ի եւ Կորեայի Հանրապետության պարեկային նավակները կրակ էին բացել իրար վրա այն բանից հետո, երբ հյուսիսկորեական ռազմանավը անցել էր սահմանազատող գիծը: