Չինաստանի ոստիկանությունը ձերբակալել է իրեն որպես Ցին դինաստիայի արքայադուստր ներկայացրած 48-ամյա կնոջը, հայտնում է Lenta.ru-ն՝ վկայակոչելով տեղական լրատվամիջոցներին:
Արքայադստեր կարգավիճակին համապատասխանելու համար չինուհին օգտագործլ է կեղծ դոլարների կապոցներ եւ ոսկյա ձուլակտորներ: Խաբեբա կինը գործել է «նիգերիական նամակների» դասական սխեմայով: Նա պնդել է, որ սերում է Ցին դինաստիայից եւ խնդրել օգնել իբրեւ թե չինական նահանգի 8 պահեստարաններում թաքցված ընտանեկան գանձերը վերադարձնելու գործում:
Կարծեցյալ արքայադուստրն ընդամենը 1.5 տարվա ընթացքում խաբեությամբ հաջողվել է հայրենակիցներից մոտ 6 մլն յուան (934 հազար դոլար) կորզել: Ի վերջո, «ներդրողներից» մեկը, հոգնելով սպասել իր ներդրած միջոցների վերադարձին, կնոջը պատանդ է վերցրել: Ոստիկանությունը գտել է վերջինիս եւ իսկույն ձերբակալել՝ խարդախության կասկածանքով:
Պարբերականը հիշեցնում է, որ 1636-1912թթ Չինաստանը թագավորել է Ցին դինաստիան: Վերջին կայսրը՝ Պու Ին, ամուսնացել է 5 անգամ, սակայն երեխաներ չի ունեցել: