Հայաստանի իշխանությունները գործադրում են բոլոր ջանքերը, որպեսզի 2008-ի մարտի 1-ի ոճրագործության մեղավորները չբացահայտված մնան: Այս մասին, այսօր՝ հոկտեմբերի 20-ին, ԱԺ-ում հայտարարել է ՀԱԿ խմբակցության պատգամավոր, ՀԺԿ նախագահ Ստեփան Դեմիրճյանը:
Միաժամանակ, նրա խոսքով, դա պետք է շուտ բացահայտվեր, բայց այդ հանցագործության համար պատասխանատու մարդիկ չեն պատժվել, թեեւ զոհվել է 10 մարդ: Դա նշանակում է, որ դա ձեռնտու չէ իշխանություններին:
«Ինչպես հասարակությունը հավատա արդարադատությանը, եթե մարդիկ տեսնում են այս ամենը եւ էլի շատ բաներ: Խաղաղ պայմաններում բանակում սպանությունները եւս մնում են չբացահայտված: Կոռուպցիան ամենուր է, այդ թվում իշխանության ամենաբարձր օղակներում»,-հավելել է Դեմիրճյանը:
Հիշեցնենք, որ 2008-ի մարտի 1-ին իշխանությունները Զինված ուժերը դուրս է բերել խաղաղ ցուցարարների դեմ, որի հետեւանքով զոհվել է 10 մարդ, այդ թվում 2 ոստիկանության աշխատակից:
