Sony-ն Ռուսաստանում ներկայացրել է իր առաջին S9 հեռուստացույցը՝ գոգավոր էկրանով, որն ունի 4К թողունակություն, հայտնում է Lenta.ru-ն՝ վկայակոչելով ընկերության հաղորդագրությունը:
Այս պահին Ռուսաստանում հասանելի է KD-65S9005B մոդելը՝ 65 դյույմանոց էկրանով, գինը՝ 200 հազար ռուբլի:
Նոյեմբերին Sony-ի մանրածախ եւ առցանց խանութներում կհայտնվի 75 դյույմանոց մոդել՝ մոտավոր 400 հազար ռուբլի գնով:
Սարքն ունի պատկերի բարելավման մի քանի տեխնոլոգիաներ: Հեռուստացույցի խելացի գործառույթները ներառում են Skype-ը, Twitter-ը եւ Facebook-ը:
Ըստ աղբյուրի՝ 4K տեխնոլոգիաները եւ գոգավոր էկրանները 2014թ. հեռուստացույցների թրենդն են: Ավելի վաղ նման սարքեր թողարկել էին Samsung-ը եւ LG-ն: