Երեկ՝ հոկտեմբերի 20-ին, «Ազգային Ճակատ» կուսակցություն անդամ, պատգամավորի թեկնածու Վլադիմիր Բորիսենկոյի նկատմամբ մահափորձ է կտարվել: Այդ մասին հայտնում է «Ուկրաինսկայա Պրավդան»՝ մեջբերելով պատգամավոր Նիկոլայ Կնյաժիցկուն:
«Մեկ ժամ առաջ Բորիսպոլում մահափորձ է կատարվել ժողովրդական պատգամավորի թեկնածու Վլադիմիր Բորիսենկու նկատմամբ: Երբ Բորիսենկոն շանը կերակրելու նպատակով բակ է դուրս եկել, նրա ուղղությամբ հրազենային ատրճանակից կրակ է բաց թողնվել, իսկ ոտքերի մոտ ինքնաշեն պայթուցիկ փաթեթ է նետվել: Փամփուշտը կանգնեցրել է զրահաբաճկոնը, որը Բորիսենկոն վերջին ժամանակներս էր կրում ՝ զգուշանալով իր հասցեին ուղղված բազմաթիվ սպառնալիքներից»:
Աղբյուրի փոխանցմամբ՝ Բորիսենկոն հոսպիտալացվել է:
