Հոկտեմբերի 24-ին նախատեսվող խորհրդարանական եռյակի հանրահավաքին (ԲՀԿ, ՀԱԿ, «Ժառանգություն») խոսքից պետք է անցնել գործի: Այդ մասին այսօր՝ հոկտեմբերի 21-ին լրագրողներին հայտարարեց «Ժառանգություն» խմբակցության ղեկավար Ռուբեն Հակոբյանը:
«Ազատության հրապարակը գաղափարախոսական դեբատների վայր չէ: Այստեղից ժողովրդին պետք է դիմել համաձայնեցված հայտարարություններով, բոլորին հասկանալի գործողությունների միասնական ծրագրով», - հավելեց Հակոբյանը: Նրա խոսքով՝ եռյակի բանակցությունների ժամանակ հենց այդ ծրագիրն էլ քննարկվում է: Հակոբյանը խոստովանեց, որ հոկտեմբերի 10-ի հանրահավաքը զերծ չէր մի շարք թերություններից. ելույթները ամբողջական պատկերի մեջ չէին տեղավորվում: «Կարծում եմ, որ դա հոկտեմբերի 24-ի նախապատրաստություն էր: Առավել եւս, որ մենք ավելի վաղ հայտարարել էինք, որ մեկ հանրահավաքով գործը չի ավարտվի», - հավելեց Հակոբյանը:
