Հայաստանի առեւտրաարդյունաբերական պալատում, այսօր՝ հոկտեմբերի 21-ին, կայացավ հայ–իրանական գործարար համաժողով (երկկողմ հանդիպումներ): Իրանցի գործարարների խմբում ընդգրկված էին թռչնաբուծության, անասնապահական, գյուղատնտեսական ապրանքների արտադրության, շինարարական, ինչպես նաեւ ծառայությունների ոլորտը ներկայացնող ընկերություններ։
ՀՀ առեւտրաարդյունաբերական պալատի կողմից գործարար առաջարկություններ արեց նախագահության անդամ Սարգիս Աղաբեկյանը՝ մասնավորապես շեշտելով, որ Հայաստանը, անդամակցելով Եվրասիական Մաքսային Միությանը, կարող է տարանցիկ լուջ միջանցք դառնալ Իրանի համար։ Այդ խնդրի վերաբերյալ նաեւ դրական կարծիք հայտնեց Մոսկվայի բիզնես դպրոցի պրոռեկտոր Իվան Պանովը։
Իրանի Իսլամական Հանրապետության Արդաբիլի նահանգի եւ Հայաստանի Շիրակի մարզի առեւտրաարդյունաբերական պալատների ղեկավարները ստորագրեցին համագործակցության հուշագիր։
Հանդիպումը կազմակերպել էր Երեւանի առեւտրաարդյունաբերական պալատը։