Ենթաակցիզային ապրանքների արտադրությունը արտոնություններ չի ստանա կառավարության նոր օրինագծերի փաթեթով: ԱԺ-ում այսօր՝ հոկտեմբերի 21-ին, Ֆինանսների փոխնախարար Վախթանգ Միրումյանը հայտարարել է, որ սահմանամերձ գյուղերի աջակցությանն ուղղված օրինագծերի փաթեթով նախատեսվում է հարկերից ազատել գրեթե ողջ բիզնեսը, որի բացառություններից է ալկոհոլի եւ ծխախոտի արտադրությունը:
Միրումյանի խոսքով՝ այդ լորտներն արտոնություն չեն ստանա, որպեսզի չցնցեն այդ ապրանքների շուկան, որն առանց այդ էլ բարդ վիճակում է:
«Ընդհանրապես, շքեղության հարկով հարկվող ապրանքները չի կարելի խթանել: Օրինագծի իմաստը սոցիալական է»,-NEWS.am-ի թղթակցին վստահեցրել էԱԺ տնտեսական հարցերի հանձնաժողովի նախագահ Վարդան Այվազյանը:
