Արցախի Հանրապետության նախագահ Բակո Սահակյանն այսօր՝ հոկտեմբերի 21-ին, ընդունել է Ստեփանակերտում ընթացող Պոեզիայի արցախյան միջազգային երկրորդ փառատոնի մի խումբ մասնակիցների: Այս մասին տեղեկանում ենք Արցախի նախագահի մամուլի ծառայությունից:
Բակո Սահակյանը գոհունակությամբ նշել է, որ պոեզիայի միջազգային փառատոնի անցկացումն Արցախում դառնում է ավանդական` հավելելով, որ նման միջոցառումները կարեւոր դերակատարություն ունեն մշակույթի զարգացման եւ Արցախն արտաքին աշխարհին ճանաչելի դարձնելու գործում:
Հավելենք, որ հանդիպմանը մասնակցել են նաեւ ԼՂՀ գրողների միության նախագահ Վարդան Հակոբյանը, պաշտոնատար անձինք: