Մինչեւ հոկտեմբերի 26-ը Չինաստանը տիեզերական սարք կուղարկի լուսնային ուղեծիր, հայտնում է ՏԱՍՍ-ը՝ վկայակոչելով Չինաստանի կենտրոնական հեռուստատեսությունը:
Ըստ աղբյուրի՝ թռիչքի գլխավոր խնդիրը «Չանյե-5» վերադարձող լուսնային մոդուլի տեխնոլոգիաների փորձարկումն է, որը 2017-ին լուսնային գրունտի նմուշներ է հասցնելու Երկիր:
Սարքը պետք է հասնի տիեզերական երկրորդ արագության (11,2 կմ/վրկ.), որպեսզի Լուսնից Երկիր վերադառնա: Մեկնարկը, ըստ գործակալության, տեղի կունենա Լուսնի հետազոտման չինական ծրագրի երրորդ՝ ամփոփիչ փուլի շրջանակում: Չինաստանն իր տիեզերագնացներին Լուսին նախատեսում է ուղարկել 2020թ.-ից հետո:
