Հայաստանի ԱԻՆ-ում, այսօր՝ հոկտեմբերի 22-ին, ժամը 07.56-ին ահազանգ է ստացվել, որ միջհամայնքային Հ-16 ավտոճանապարհի Էջմիածին-Արմավիր հատվածում` Արշալույս գյուղի մոտակայքում, տեղի է ունեցել ավտովթար, կա տուժած. անհրաժեշտ է փրկարարների օգնությունը:
Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել մեկ մարտական հաշվարկ:
Պարզվել է, որ Էջմիածին-Արմավիր ավտոճանապարհի 5-րդ կմ-ի հատվածում բախվել են «Տոյոտա» մակնիշի 757 ՈՍ 01 համարանիշի եւ «Օպել» մակնիշի 34 SM 984 համարանիշի ավտոմեքենաները:
Պարզվել է, որ Էջմիածին-Արմավիր ավտոճանապարհի 5-րդ կմ-ում տեղի ունեցած ավտովթարի հետեւանքով «Տոյոտա» մակնիշի ավտոմեքենայի վարորդ 28-ամյա Վ. Հ.-ն, ուղեւորներ` 18-ամյա Ն. Վ.-ն, 17-ամյա Ա. Մ.-ն եւ «Օպել» մակնիշի ավտոմեքենայի վարորդ` 26-ամյա Կ. Կ.-ն մարմնական վնասվածքներով հոսպիտալացվել են Վաղարշապատի բժշկական կենտրոն, որտեղ բժիշկները տուժածների առողջական վիճակները գնահատել են բավարար:
