Սահամանամերձ գյուղերին օգնությունը չպետք է վերածվի ԱԱՀ-ից խուսափելու սողանցքի: Այդ մասին այսօր՝ հոկտեմբերի 22-ին, խորհրդարանում հայտարարեց հանրապետական խմբակցության պատգամավոր, սոցիալական հարցերով հանձնաժողովի նախագահ Հակոբ Հակոբյանը: Նրա խոսքով՝ եթե կառավարությունն առաջարկում է սահմանամերձ գյուղերում բիզնեսն ազատել ԱԱՀ-ից, ապա բիզնեսը հենց դրանց միջոցով կձեւակերպի իր գործարքները եւ կխուսափի ԱԱՀ-ից: «Պետության նպատակը շատ լավն է: Բիզնեսից ԱԱՀ չգանձել, թողնել շրջանառու միջոցները: Սակայն այդ արտոնությունները պետք է առավելագույնս հասցեավորված լինեն», - ընդգծեց Հակոբյանը:
Նշենք, որ «Սահմանամերձ գյուղական համայնքներում իրականացվող գործունեությունը հարկերից ազատելու մասին» օրինագծի համաձայն, փոքր բիզնեսը ազատվում է շրջանառության հարկից, իսկ խոշոր բիզնեսը՝ ԱԱՀ-ից: Ձեռնարկություններն ազատվում են շահութահարկից, իսկ մասնավոր ձեռնարկատերերը՝ եկամտահարկից: Հարկերից գործում են միայն եկամտահարկն ու վարձու աշխատողների համար սոցիալական վճարումները: