Խոսքերով մարզերի զարգացում չենք կարող ապահովել: Այդ մասին այսօր՝ հոկտեմբերի 22-ին, խորհրդարանում հայտարարեց վարչապետ Հովիկ Աբրահամյանը՝ պատասխանելով երկրի երրորդ քաղաքից՝ Վանաձորից ընտրված պատգամավոր Էդմոն Մարուքյանի հարցին:
«Եթե մենք ավելորդ գումարներ ունենայիք, ավելի ճիշտ կլիներ դրանք ուղղել սահմանամերձ գյուղերի զարգացմանը: Կարծում եմ, դա ավելի ճիշտ է: Վանաձորի բյուջեում քաղաքի բարեկեցության համար անհաժեշտ միջոցներ կան: Իհարկե, մենք կարող ենք եւ ավելին անել, եւ հենց այդ ճանապորհով էլ շարժվում ենք: Մենք պատրաստ ենք քննարկել այդ թեման եւ լսել առաջարկություններ», - ասաց Աբրահամյանը:
Նրա խոսքով՝ մայրաքաղաքում եւ մարզերում կենսապայմանները պետք է հավասարվեն, եւ հենց այդ նպատակով կառավարությունը օտարերկրյա վարկային միջոցները, առաջին հերթին, ուղղորդում է մարզեր: «Այսպես, դեռ 2000-ական թթ. երբ ես աշխատում էի կառավարությունում, մենք պնդեցինք, որ առողջապահության բարելավման Համաշխարհային բանկի ծրագրով միջոցները ուղղորդվեն մարզեր: Եվ դրա շնորհիվ մարզկենտրոններում կարողացանք մի քանի ժամանակակից հիվանդանոցներ կառուցել», - եզրափակեց վարչապետը:
