Աշխարհում հոկտեմբերի 22-ին նշում են կակազող մարդկանց միջազգային օրը: Տոնը հաստատվել է Կակազող մարդկանց միջազգային միավորման նախաձեռնությամբ, գրում է «Ռոսբալտը»-ը:
Աղբյուրը նշում է, որ կակազելը խոսքը խանգարումներն է, երբ կրկնվում են կամ երկարացվում են հնչյունները, վանկերը կամ բառերը:
«Lenta.ru»-ի հոդվածում հիշում են պատմության մեջ մտած անձնանց, ովքեր կակազել են: Նրանց թվում Բրյուս Ուիլիսը. «Ես դժվարությամբ էի խոսում: Նախադասությունն ավարտելու համար ինձնից 3 րոպե էր պահանջվում: Դադարեցի կակազել, երբ սկսեցի դերասանի գործունեությունը»,- պարբերականը ներկայացնում է դերասանի խոսքերը:
Այնուհետ պարբերականը բերում է բրիտանացի թագավոր Գեորգ 6-ի օրինակը, ով ոչ միայն կակազում էր, այլ նաեւ շատ ամաչկոտ էր: ՄԵծ Բրիտանիայի վարչապետ Ուինսթոն Չերչիլն ամբողջ կյանքում պայքարել է կակազելու դեմ: Այս թերությունն առկա է եղել նաեւ Ռոուեն Էթքինսոնի, օսկարակիր Ջուլիա Ռոբերթսի, Սեմուել Էլ Ջեքսոնի, Մերլին Մոնրոյի, Նիկոլ Քիդմանի, Էմիլի Բլանթի մոտ: