Վայոց ձորի մարզպետ Էդգար Ղազարյանը կազատվի զբաղեցրած պաշտոնից:
Հայաստանի կառավարությունն այսօր՝ հոկտեմբերի 23-ին կայանալիք նիստում քննարկելու է մարզպետի ազատման հարցը: Կառավարության օրակարգում նշվում է, որ Էդգար Ղազարյանն ազատվելու է Վայոց ձորի մարզպետի պաշտոնից՝ իր դիմումի համաձայն:
Նշենք, որ Ղազարյանն այդ պաշտոնը զբաղեցնում է 2012 թ. հունիսի 22-ից:
Լրատվամիջոցներում շրջանառվող տեղեկությունների համաձայն, նա դիվանագիտական աշխատանքի կարող է անցնել: