Անջատականները մտադիր են Ուկրիանայից խլել Սլավյանսկը, Մարիուպոլն ու Կրամատորսկը: Այս մասին հայտնում է «Ուկրաինսկայա պրավդան»՝ մեջբերելով Դոնեցկի ժողովրդական հանրապետության ղեկավար Ալեքսանդր Զախարչենկոյի խոսքերը:
Աղբյուրը նշում է, որ Զախարչենկոն հայտարարել է, թե շուտով կարող են վերսկսվել մարտական ակտիվ գործողությունները: «Ռազմական գործողությունների ավելի ծանր ժամանակներ կլինեն: Գրավելու ենք Սլավյանսկը, Կրամատորսկը եւ Մարիուպոլը», - մեջբերում է աղբյուրը ԴԺՀ-ի ղեկավարի խոսքերը:
«Չի ստացվում բանակցությունները խաղաղ հարթություն տեղափոխել», - նշել է Զախարչենկոն:
Աղբյուրը նշում է, որ զինյալները հրադադար հայտարարելուց ի վեր ամեն օր հարձակումներ են գործում Հակաահաբեկչական գործողության ուժերի վրա, առավել համառորեն հարձակվում են Դոնեցկի օդանավակայանի վրա:
