Շրջանառության հարկի՝ 3,5%-ից մինչեւ 1% նվազեցման որոշումը չի փոխվի: Այդ մասին այսօր՝ հոկտեմբերի 23-ին, խորհրդարանում հայտարարեց ֆինանսների փոխնախարար Վախթանգ Միրումյանը: Նա հիշեցրեց, որ շրջանառության հարկի նվազեցումը ուժի մեջ է մտել հոկտեմբերի 1-ին:
«Հասարակական կազմակերպությունների ներկայացուցիչների հետ միասին մենք ողջ հանրապետության տարածքում փոքր եւ միջին բիզնեսին տեղեկացնելու արշավ ենք իրականացրել, տոնավաճառներում մի շարք սեմինարներ կազմակերպել: Սակայն դա բավարար չէ, մենք կշարունակենք բիզնեսի ներկայացուցիչների հետ հանդիպումը», - նշեց Միրումյանը:
Հիշեցնենք, որ շրջանառության 1% հարկը տարածվում է 58,35 մլն դրամից ոչ բարձր տարեկան շրջանառություն ունեցող առեւտրային սուբյեկտների վրա (մոտ 140 հազա դոլար):
