Մենք ողջամիտ մարդիկ ենք, եւ գնալ ու պահանջել հեռանալ, դա ամենակարճ, ամենապարզամիտ ճանապարհն է: Դու գնում եւ պահանջում ես հեռանալ, իշխանությունն ասում է, չեմ հեռանա: Այս մասին, մի խումբ լրագրողների հետ զրույցում նշել է ԲՀԿ խմբակցության պատգամավոր Գուրգեն Արսենյանը, հաղորդում է «A1+»-ը:

Հարցին, թե վաղվա հանրահավաքում իշխանություններից չե՞ք պահանջելու հեռանալ, նա պատասխանել է.  «Դու գնում եւ պահանջում ես հեռանալ, իշխանությունն ասում է, չեմ հեռանա: Գնում ասում ես, եկել ենք ձեր աղջկան ուզելու, ինքն էլ ասում է մեր աղջկան չեմ տալիս: Եվ չգիտես ինչու, հիմա այդ պարզամիտ սխեման ներդրվում է հասարակության ուղեղում, թե պետք է գնալ ու անպայման ասել՝ հենց հիմա հեռացիր ու հարցը կլուծվի»:
Հարցին, թե նորից ժամանա՞կ եք տալու իշխանություններին, որ կատարեն իրենց պարտականությունները, Արսենյանն, ըստ էության չի պատասխանել, նշելով. «Մենք շատ պրակտիկ, պրագմատիկ մարդիկ ենք: Մեզնից ոչ մեկը չի ցանկանում ավիրել իր երկիրը: Իշխանությունները նույնպես չեն ցանկանում դա, սակայն իշխանությունների գործունեությունն արդյունավետ չի, որի արդյունքում Հայաստանում էվակուացիա է տեղի ունենում»: 
Դիտարկմանը, որ ժողովուրդը այլեւս չի ուզում ժամանակ տալ իշխանություններին, ԲՀԿ-ական պատգամավորը նշել է. «Դա նշանակում է, որ մեր քաղաքական գործողությունները շատ ճիշտ են եւ պահանջված»: 

Առավել մանրամասն սկզբնաղբյուր կայքում