Առեւտրի կենտրոնի այցելուները զարմանալի տեսարանի ականատես են եղել. կինը հաշվեհարդար է տեսել բանկոմատի հետ՝ բաժանելով այն մասերի: Այդ կերպ թույլ սեռի ներկայացուցիչը վրեժ է լուծել բանկոմատից, որը հրաժարվել է կանխիկ դրամ տրամադրել:
Չինական Գուանդուն նահանգում Դունգուան քաղաքում առեւտրի կենտրոնում կնոջ են նկատել, ով իրեն տարօրինակ էր պահում. նա ինքնիրեն խոսում էր, փորձում ինչ-որ բան բացատրել բանկոմատին: Այն բանից հետո, երբ ավտոմատը չի կատարել նրա հրահանգները, չինուհին կրկնել է փորձը եւ հերթական անհաջողությունից հետո սաստիկ բարկացել է:
Ինքն իր հանդեպ վերահսկողությունը կորցնելուց հետո կինը հարձակվել է բանկոմատի վրա: Վկաների խոսքով՝ մարդու պայքարը մեքենայի հետ տպավորիչ էր. կինը մի քանի րոպեում մասերի է բաժանել մեքենան: Հատկանշական է, որ տեսարանին մի քանի պահակ է հետեւել, սակայն նրանցից ոչ ոք չի փորձել կանգնեցնել կնոջը:
Համազգեստով տղամարդիկ կողքից հետեւում են կատարվածին, ինչպես մյուս անգործները, գրում է «Mail Online»-ը:
Բանկոմատի ապամոնտաժումը կանգնեցրել են ոստիկանները, որոնց կանչել է անվտանգության աշխատակիցներից մեկը, ով, հավանաբար, վախեցել է հարվածի տակ հայտնվել: Իրավապահները լսել են չինուհուն, ով բողոքել է քարտից կանխիկ գումար ստանալու անհաջող փորձերից, որից հետո նրան բաժանմունք են տարել, հաղորդում է «FedPost.ru»-ն:
Ոստիկանության ներկայացուցիչը հաստատել են, որ կինն իսկապես կոտրել է բանկոմատը, սակայն նշել է, որ դրա համար գերբնական ուժեր են հարկավոր: Ոստիկանները մանրամասները պարզելու համար կնոջը բաժանմունք են տարել:
