Բրիտանական նավթագազային British Petroleum (BP) ընկերությունը եւ ֆրանսիական GDF Suez ընկերության բրիտանական դուստր ընկերությունը Հյուսիսային ծովում նավթի նոր հանքավայր են հայտնաբերել, հայտնում է BBC-ի ռուսական ծառայությունը:
Աղբյուրը նշում է, որ նոր հանքավայրում արդյունահանման ծավալը կարող է կազմել օրական շուրջ 5 հազար բարել: Նավթի նոր հանքավայրը GDF Suez-ի երրորդ խոշոր հաջողությունն է մեկ տարվա ընթացքում:
Իր հերթին British Petroleum-ը ծրագրում է Հյուսիսային ծովում ծրագրի վրա ծախսել 10 մլրդ ֆունտ, որոնցից 7 մլրդ-ը կազմում են առաջիկա հինգ տարվա ծախսերը:
«Կառավարությունը պետք է ճիշտ ռեժիմ սահմանի, որը կարող է երաշխավորել Հյուսիսային ծովում նավթից եւ գազից առավելագույն տնտեսական օգուտ», - ասել է Մեծ Բրիտանիայի էներգետիկայի նախարար Մեթյու Հենքոքը: