Շվեդիան չի երկարացնի Ռուսաստանի հետ պաշտպանության ոլորտում համագործակցության ծրագիրը: Այս մասին տեղեկացնում է «Կոմսոմոլսկայա պրավդան»:
Տվյալ որոշումը, հստակեցնում է աղբյուրը, ընդունվել է Շվեդիայի կառավարության կողմից եւ ամրագրվել բյուջեի նախագծում:
«Սա նշանակում է, որ Ռուսաստանի հետ շվեդական ԶՈՒ-ի համագործակցությունը դադարեցված է», - մեջբերում է թերթը:
Աղբյուրը նշում է, որ շվեդ պաշտոնյաների կարծիքով ռուսաստանցի զինծառայողներն հանդուգն վարք են դրսեւորում Բալթիկայում եւ պարբերաբար խախտում այլ երկրների տարածքային ամբողջականությունը: «Նման զարգացումը կշարունակվի: Թեեւ Շվեդիայի վրա զինված ուղղակի հարձակումը քիչ հավանական է թվում»,- նշված է հաղորդագրությունում:
