Հայաստանի իշխանություններն սպառել են իրենց ողջ ռեսուրսը: Այս մասին, այսօր՝ հոկտեմբերի 24-ին, ԱԺ ճեպազրույցների ժամանակ նշել է ՀԱԿ խմբակցության քարտուղար Արամ Մանուկյանը՝ հավելելով. «Իշխանությունն իր ռեսուրսը մսխել է, մնացել են մի քանի լեզվանիներ, դրսից էլ աջակցություն չունի»,-ասել է նա:
Մանուկյանի խոսքով՝ ավելորդ է խոսել այն մասին, որ իշխանությունների մոտ ոչ մի արտաքին աջակցություն չի մնացել. «Արտաքին քաղաքականությունում Սերժ Սարգսյանը համարվում է ամենաանլուրջ գործընկերը եւ ոչ մի վստահություն չի ներշնչում»:
Այս պայմաններում ինչպես նշեց ՀԱԿ խմբակցության քարտուղարը, կարելի է լրիվ արդարացված համարել եռյակի համախմբումը: «Այս միությունը լայն արձագանք է կտել հասարակությունում, արձագանքները նկատելի են յուրաքանչյուրին»,-ամփոփել է նա:
