Մեծ Բրիտանիայի թագուհի Էղիսաբեթ 2-րդն իր առաջին թվիթն ուղարկել է Գիտությունների թանգարանի նոր բացված տեղեկատվական-տեխնոլոգիական սրահի առիթով: Այդ մասին հայտնում է The Independent-ը:
Թագուհին դիմել է Twitter-ի իր էջի բազմաթիվ բաժանորդագիրներին. «Շատ հաճելի է թանգարանում ցուցահանդեսի բացմանը մասնակցել: Հույս ունեմ, մարդիկ այդ այցելություններից հաճույք կստանան»:
Գիտությունների թանգարանի տնօրեն Իեն Բլեթֆորդը իր պաշտոնական ելույթում ընդգծել է, որ թագուհին միշտ է հետաքրքվել նորագույն տեխնոլոգիաներով: «Դուք առաջինն եք 1957թ. ամանորյա ուղերձ հղել ուղիղ եթերից, իսկ հետո 1974թ մարտի 26-ին Դուք էլեկտրոնային նամակ ուղարկած առաջին միապետը դարձաք», - նշել է թանգարանի տնօրենը՝ թագուհուն խնդրելով իր առաջին թվիթն անել:
Հանելով ձեռնոցը՝ թագուհին ցուցահանդեսի 600 հյուրերի աչքի առաջ ուղարկել է իր առաջին թվիթը: