Ռուսաստանում գտնվելու օրինականությունը ստուգելու նպատակով մոտ 7 հազար միգրանտ է կանչվել Մոսկվայի ոստիկանության բաժանմունքներ: Այդ մասին հայտնում է «ՏԱՍՍ»-ը՝ վկայակոչելով Մոսկվայի ՆԳՆ վարչության մամուլի ծառայությանը:
Բոլոր կասկածյալները ուղարկվել են ՆԳՆ-ի տարածքային բաժանմունքներ՝ ինքնությունը եւ ՌԴ-ի տարածքում գտնվելու օրինականությունը հաստատելու նպատակով: Նրանք նաեւ ստուգվել են՝ ըստ նախկինում կատարված հանցագործություններին ներգրավված լինելու հատուկ հաշվառման բազայի:
ՌԴ-ի Վարչական իրավախախտումների օրենսգրքի 18.8 հոդվածով («Օտարերկրյա քաղաքացու կամ քաղաքացիություն չունեցող անձի կողմից ՌԴ մուտքի կանոնների խախտում կամ բնակության ռեժիմի խախտում») 535 քաղաքացիների նկատմամբ վարչական արձանագրություններ են կազմվել:
Մայրաքաղաքի տարածքում օտարերկրյա քաղաքացիների ապօրինի բնակության փաստով 23 քրեական գործ է հարուցվել, համաձայն ՌԴ-ի Քրօրի 322,1 հոդվածի: