Ամերիկացի գիտնականները լրջորեն անհանգստացել են գեյմերների գիտակցության վրա 3D-տեսախաղերի ազդեցությամբ:
Բանն այն է, որ նորագույն տեխնոլոգիաները խաղերն այնքան իրական են դարձրել, որ խաղացողները իրենց զգում են էկրանին տեղի ունեցող դեպքերի մի մասը: Արդյունքում խաղերում առկա դաժանություն իր հետքն է թողնում գեյմերների վրա՝ նրանց դարձնելով ավելի ագրեսիվ:
Այս փաստը հիմնավորվել է փորձարկումներով: Մասնագետները ուսանողների համար հետաքրքիր հետազոտություն են իրականացրել, որի ընթացքում նրանք պետք է խաղային GTA IV հայտնի տեսախաղի 3D տարբերակը: Նրանք պետք է կատարեին գանգստերների դերը, որոնք կռվում են, մեքենաներ առեւանգում, կողոպտում գինու խանութները, հաղորդում է Informing.ru-ն:
Նրանք, որոնք տեսել են խաղի սյուժեն սովորական մոնիտորով իրենց ավելի քիչ ագրեսիվ են պահել, քան նրանք, որոնք խաղացել են 3D ձեւաչափով: Գիտնականները նշում են, որ որքան բարձր է 3D-տեսախաղի որակը, այնքան ավելի վնասական է այն մարդու հոգեկանի վրա, որովհետեւ ավելի շատ է գեյմերին ներգրավում խաղի դաժան աշխարհում:
