ԿԺԴՀ-ում հարավկորեական սերիալներ դիտելու համար մահապատժի են ենթարկել շուրջ 50 մարդու, հայտնում է Gazeta.ru-ն:
Աղբյուրը նշում է, որ մահապատժի ենթարկվածների շրջանում կառավարական 10 պաշտոնյաներ են եղել: Նրանց մեղադրել են նաեւ կոռուպցիայի եւ անբարոյականության մեջ:
Ըստ աղբյուրի՝ ԿԺԴՀ-ում մամուլը խիստ վերահսկողության տակ է, համացանցի հասանելիությունը՝ սահմանափակ: Ընդ որում՝ արգելված ֆիլմերը գաղտնի փոխանցվում են համացանցով, իսկ սկավառակները եւ կրիչները վաճառվում են սեւ շուկայում:
ԿԺԴՀ-ում ապօրինի վաճառքի կամ նման նյութերի տարածման մեղադրանքի դեպքում կարող են մահապատժի ենթարկել պետական դավաճանության համար, նրանց համախոհները կարող են դատապարտվել ազատազրկման:
