«Վնուկովո» օդանավակայանի դիսպետչերին՝ 23-ամյա փորձնակ Սվետլանա Կրիվսունին, ով Total-ի ղեկավարի մասնավոր ինքնաթիռի կործանման ժամանակ գտնվել է դիսպետչերանոցում, մեղադրել են երթեւեկության անվտանգության եւ օդային տրանսպորտի շահագործման կանոնների խախտման մեջ, որը հանգեցրել է երկու եւ ավելի անձանց մահվան, հայտնում է «Կոմսոմոլսյակա պրավդան»:
Աղբյուրի տեղեկություններով՝ դեռ անցած շաբաթ աղջկա նկատմամբ խափանման միջոց էր ընտրվել տնային կալանքը: Սվետլանա Կրիվսունը դատարանում կհարցաքննվի՝ որպես մեղադրյալ:
Այսպիով, աղջկան սպառնում է մինչեւ 7 տարվա ազատազրկում: Հիշեցնենք, որ «Վնուկովո» օդանավակայանում հոկտեմբերի 21-ին ավիապատահար էր տեղի ունեցել: Total նավթային ընկերության ղեկավարի ինքնաթիռը բախվել էր ձնահավաք մեքենային եւ տապալվել գետնին, ինչի հետեւանքով 4 մարդ էր մահացել, այդ թվում՝ ընկերության ղեկավար Քրիստոֆ դե Մարժերին: