«Արդշինինվեստբանկ» ՓԲԸ հաճախորդների սպասարկման համար հարմարավետ, ժամանակակից, վերանորոգված եւ արդիականացված «Շենգավիթ» մասնաճյուղի վերաբացման արարողությունը տեղի ունեցավ 2014 թվականի հոկտեմբերի 29-ին` ք. Երեւան, Գ Նժդեհ 32 հասցեում:
Բանկը շարունակում է մասնաճյուղային ցանցի ընդլայնման եւ արդիականացման գործընթացը Երեւանում եւ մարզերում:
Մասնաճյուղի վերաբացման արարողությունը տեղի ունեցավ հյուրերի, Բանկի հաճախորդների եւ ղեկավարների մասնակցությամբ:
Բանկի վարչության նախագահ Մհեր Գրիգորյանը շնորհավորեց հաճախորդներին եւ հյուրերին մասնաճյուղի վերաբացման կապակցությամբ: Նա, մանսավորապես, նշեց. ««Շենգավիթ» մասնաճյուղի՝ նորացված պայմաններում գործարկումը «Արդշինինվեստբանկ» ՓԲԸ մասնաճյուղային ցանցի զարգացմանն ու կատարելագործմանն ուղղված միջոցառումների համալիր ծրագրի հերթական քայլն է: Մասնաճյուղում իրականացվել են հաճախորդների սպասարկման հետ կապված գործընթացների օպտիմալացման, աշխատատեղերի եւ սպասարկման գոտիների արդիականացման եւ լիովին տեխնիկական վերազինման մի շարք համալիր միջոցառումներ, ինչպես նաեւ մասնաճյուղի ինտերիերը համապատասխանեցվել է «Արդշինինվեստբանկ» ՓԲԸ ֆիրմային ոճին»:
Հիմնական ցուցանիշներով «Արդշինինվեստբանկ» ՓԲԸ ավանդաբար գտնվում է ՀՀ բանկային համակարգի առաջատարների շարքերում: Ներկայումս Բանկի մասնաճյուղային ցանցը իր 55 մասնաճյուղերով խոշորագույներից է հանրապետությունում:
.jpg)
.jpg)
.jpg)
.jpg)
