Հայաստանում նոր սանիտարա-հիգիենիկ պահանջներ են ընդունվելու՝ կապված սննդամթերքի եւ սննդային հավելումների հետ: Այդ փաթեթն ընդունվել է Հայաստանի կառավարության հոկտեմբերի 30-ի նիստի ընթացքում:
Գյուղատնտեսության նախարար Սերգո Կարապետյանի խոսքով՝ աշխատանքներ են տարվելու բուսական մթերքի որակի վերահսկողության ոլորտի նորմատիվ-իրավական փաստաթղթերի ներդաշնակեցման, ինչպես նաեւ երրորդ երկրներից ներմուծման ժամանակ ֆիտոսանիտարական վերահսկողության ուղղությամբ:
Կազմվելու է արգելված այն բույսերի եւ մթերքի մշակման ցանկը, որոնք ենթակա են կարանտինային վերահսկողության: Բացի այդ, անասունների վիճակի, ինչպես նաեւ շշալցված, հանքային ջրերի եւ սննդային հավելումների վերահսկողության նոր միջոցներ են ներդրվելու: