Շվեդիայի կողմից Պաղեստինի պետությունը ճանաչելուց հետո Իսրայելի ԱԳՆ-ն հետ է կանչել իր դեսպանին Ստոկհոլմից: Այս մասին հաղորդում է «Վեստի»-ն:
Ավելի վաղ Իսրայելի ԱԳ նախարար Ավիգդոր Լիբերմանը հայտարարել է, որ նման քայլը սպառնալիքի տակ կդնի Իսրայելի եւ Պաղեստինի միջեւ հակամարտության կարգավորման ջանքերը:
«Պաղեստինի պետությունը ճանաչելու Շվեդիայի կառավարության որոշումը ցավալի է: Այն միայն կհանգեցնի ծայրահեղականների ակտիվացման եւ պաղեստինցիների՝ համաձայնության գալու ցանկության բացակայության»,-ասել է նախարարը:
Հիշեցնենք, որ հոկտեմբերի 30-ին Շվեդիան պաշտոնապես հայտարարել է Պաղեստինը ճանաչելու մասին եւ դարձել առաջին եվրոպական երկիրը, որը նման քայլի է գնացել:
