Եվրամիությանը Հայաստանի անդամակցությունը չի խանգարի Եվրամիությունից ֆինանսական օգնություն ստանալուն: Այս մասին նոյեմբերի 11-ին խորհրդարանում հայտարարել է ՀՀ ֆինանսների նախարար Գագիկ Խաչատրյանը՝ մեկնաբանելով ԵՄ-ի կողմից Հայաստանին 2014 – 17թթ. 140 – 170 մլն եվրո ֆինանսական օգնություն հատկացնելու մասին համաձայնագիրը, որը կնքվել էր նոյեմբերի 3-5-ին էկոնոմիկայի նախարար Կարեն Ճշմարիտյանի Բրյուսել այցի ընթացքում:
«Ոչ մի տարօրինակ բան այստեղ չկա: Սա խելացի եւ ճկուն քաղաքականություն է. մենք պետք է օգտվենք ցանկացած միության առավելությունից», - նշել է Խաչատրյանը: Նա հավելել է, որ Հայաստանը բյուջե է ներգրավում ոչ միայն ներքին ռեսուրսներ, այլեւ դոնորային միջոցներ: «Մենք ընդլայնման բյուջետային քաղաքականություն ենք վարում՝ ավելացնելով բյուջեի ծախսերը եւ գեներացնելով տնտեսական ակտիվությունը», - նշել է նախարարը: