Սյունիքի մարզում երիտասարդ տղամարդը ընկել է Քաջարանի պղնձամոլիբդեային կոմբինատի պոչամբարը, որը գտնվում է Կապանի տարածքում: Այս մասին NEWS.am-ի թղթակցին հայտնեցին Փրկարար ծառայությունից:
Տղամարդը ընկել է պոչամբարը, որտեղ տիղմանման զանգված է: Դեպքի վայրում են գտնվում թե ԱԻՆ-ի աշխատաողները, թե ոստիկաններ ու քննիչներ: Մեզ փոխանցեցին, որ առայժմ չի հաջողվել տղամարդուն հանել:
Ավելի վաղ NEWS.am-ը հայտնել էր, որ Սյունիքի մարզի Կապան քաղաքում դժբախտ դեպք է եղել: Քաջարանի պնղձամոլիբդենային կոմբինատի երիտասարդ աշխատակից Արթուր Նահապետյան Նորաշենիկ գյուղի ձորի մոտակայքում աշխատանքի ժամանակ ընկել է լոգի՝ թափուկատարի մեջ: Այս մասին NEWS.am-ի թղթակցի հետ զրույցում ասել էր Արծվանիկի գյուղապետ Անուշավան Հարությունյանը:
«Էդ լոգի մեջը ջրի ուժեղ հոսք կա, դեմն էլ ցանց է, ասում են՝ աշխատելու ժամանակ մետաղը ջարդվել է, ինքն էլ ընկել է մեջը, խեղդվել, պոչամբարը չի ընկել, ես հենց նոր պոչամբարից եմ գալիս, էնտեղ չի ընկել»,-ասել էր գյուղապետը: