Արծվանիկի պոչամբարն ընկած Քաջարանի պղնձամոլիբդենային կոմբինատ աշխատակից՝ 29-ամյա Արթուր Նահապետյանը ամուսնացած չէր: Այս մասին NEWS.am-ի թղթակիցը տեղեկացավ Քաջարանի պղնձամոլիբդենային կոմբինատից:
Նրանք հայտնեցին, որ հոգեհանգստի բոլոր ծախսերը իրենք են հոգալու եւ ֆինանսապես օգնելու են ընտանիքին: Իսկ թե ինչպես է եղել դեպքը, կոմբինատից հայտնեցին, որ դա երիտասարդի անզգուշության հետեւանք էր, նրա ոտքը սայթաքել է, ընկել է, կողքին մարդիկ են եղել, որոնք սակայն չեն կարողացել օգնել:
Ավելի վաղ NEWS.am-ը հայտնել էր, որ Սյունիքի մարզի Կապան քաղաքում դժբախտ դեպք է եղել: Քաջարանի պնղձամոլիբդենային կոմբինատի երիտասարդ աշխատակից Արթուր Նահապետյան Նորաշենիկ գյուղի ձորի մոտակայքում աշխատանքի ժամանակ ընկել է լոգի՝ թափուկատարի մեջ: Այս մասին NEWS.am-ի թղթակցի հետ զրույցում ասել էր Արծվանիկի գյուղապետ Անուշավան Հարությունյանը:Ժամեր տեւած աշխատանքներից հետո ԱԻՆ աշխատակիցները վերջապես հանել են նրա դին: